। अहिल्यानगर । दि.03 नोव्हेंबर 2024 । दिवाळीच्या खरेदीसाठी घराबाहेर पडलेल्या महिलेच्या गळ्यातील 50 हजाराचे 10 ग्रॅमचे सोन्याचे मंगळसूत्र दोघा चोरट्यांनी ओरबडून नेले. विद्याविहार सोसायटी, निलक्रांती चौक, बागरोजा हाडको येथे मंगळवारी (29 ऑक्टोबर) रात्री 9:10 वाजेच्या सुमारास ही घटना घडली.या प्रकरणी तोफखाना पोलीस ठाण्यात जबरी चोरीचा गुन्हा दाखल करण्यात आला आहे.
👉सा.विजयमार्ग वाचा...एका क्लीकवर
मंगळवारी रात्री दिवाळी खरेदीसाठी दिल्लीगेट येथे गेल्या होत्या. खरेदीकडून त्या घरी विद्याविहार सोसायटीकडे जात असताना दुचाकीवरून आलेले दोन अनोळखी त्यांच्या जवळ येऊन थांबले. फिर्यादी यांनी त्यांच्याकडे दुर्लक्ष केले. मात्र काळी वेळाने पुन्हा ते दोघे फिर्यादीजवळ आले व त्यांनी गळ्यातील मंगळसूत्र ओरबडून नेले.
👉सा.विजयमार्ग वाचा...एका क्लीकवर
मंगळसूत्र जोरात ओढल्याने फिर्यादी खाली पडल्याने जखमी झाल्या. त्यांनी आरडाओरडा केल्याने परिसरातील लोक जमा झाले. दरम्यान, फिर्यादीने दुचाकीचा नंबर पाहिला नसून त्या दुचाकीवर बसलेल्या व्यक्तींनी जॅकेट घातलेले व तोंडाला मास्क बांधलेले असल्याचे त्यांनी फिर्यादीत नमूद केले आहे. पोलीस उपनिरीक्षक सचिन रणशेवरे अधिक तपास करत आहेत.