। नागपूर । दि.17 नोव्हेंबर 2024 । प्रियांका गांधी यांच्या नागपुरातील रोड शोमध्ये गोंधळ झाल्याची माहिती समोर येत आहे. नागपुरात मेळाव्याच्या कार्यक्रमादरम्यान काही अनुचित घटना घडल्यामुळे गोंधळ निर्माण झाला. या रोड शोच्या वेळी प्रियांका गांधी रस्त्याच्या कडेला असलेल्या लोकांशी संवाद साधत होत्या आणि तेथील वातावरण उत्साहपूर्ण होतं.
👉 क्लीक करुन बातमी वाचा...स्टार प्रचाराकांसाठी...
यावेळी रॅलीदरम्यान काही भाजप कार्यकर्त्यांनी जोरदार घोषणाबाजी करत गोंधळ घालण्यचा प्रयत्न केला. तसेच यावेळी ‘भारत माता की जय‘ ‘वंदे मातरम‘ अशा घोषणांनी भाजप कार्यकर्त्यांनी परिसर दणाणून सोडला. तसेच त्यांनी भाजप उमेदवारांचे पोस्टरही झळकावले.
👉 क्लीक करुन बातमी वाचा...हि निवडणूक स्वार्थासाठी नाही....
प्रियांका गांधी कालपासून विदर्भ, उत्तर महाराष्ट्र आणि पश्चिम महाराष्ट्रात सभा घेत आहेत. शिर्डी, कोल्हापूरनंतर रविवारी प्रियांका गांधी यांची सभा आरएसएसचे मुख्यालय असलेल्या नागपूरमध्ये होती. तत्पूर्वी रोड शोमध्ये भाजपच्या कार्यकर्त्यांनी घुसून राडा केल्याचे काँग्रेस कार्यकर्त्यांचे म्हणणे आहे.
👉क्लीक करुन बातमी वाचा...जिल्हा परिषद शाळा...
संघ मुख्यालयाजवळ पोहोचताच काही समर्थकांनी गोंधळ घातल्यामुळे कार्यक्रमात अडथळा निर्माण झाला. पोलिसांनी वेळीच परिस्थितीवर नियंत्रण मिळवलं, मात्र या घटनेमुळे काही काळासाठी ताणतणावाचं वातावरण निर्माण झाले होते. या गोंधळामुळे प्रियंका गांधींच्या शोचा उद्देश काही प्रमाणात प्रभावित झाला असला तरी त्यांनी पुढील कार्यक्रम सुरू ठेवला.