। संभाजीनगर । दि.12 नोव्हेंबर 2024 । सुप्रसिद्ध व्याख्याते, कवी, लेखक, समीक्षक, सामाजिक ऐतिहासिक व राजकीय विश्लेषक डॉ. शिवानंद नारायणराव भानुसे यांची राष्ट्रवादी काँग्रेस पक्षाच्या प्रदेश प्रवक्तेपदी, राष्ट्रवादी काँग्रेस पक्षाचे प्रदेशाध्यक्ष आ.जयंतराव पाटील यांनी 11 नोव्हेंबर 2024 रोजी नियुक्ती केली आहे.
डॉ.शिवानंद भानुसे हे गेल्या 25 वर्षापासून संभाजी ब्रिगेडमध्ये सक्रिय होते. संभाजी ब्रिगेडच्या व मराठा सेवा संघाच्या विविध पदावर त्यांनी उत्कृष्टपणे कार्य केले आहे. डॉ.शिवानंद भानुसे हे बुलढाणा जिल्ह्यातील सिंदखेडराजा तालुक्यातील विझोरा येथील रहिवासी असून, सध्या ते छत्रपती संभाजीनगर येथील देवगिरी महाविद्यालयात कार्यरत आहेत.
सुप्रसिद्ध वक्ते, लेखक, कवी म्हणूनही त्यांचा महाराष्ट्राला परिचय आहे. त्याचप्रमाणे भारतीय संविधानाचे आणि मराठा व इतर आरक्षणाचे गाडे अभ्यासक म्हणून ते सुपरीचीत आहेत. मनोज जरांगे पाटलाच्या शिष्टमंडळातही त्यांनी काम केलेलं आहे. ते उच्चशिक्षित असून सुसंस्कृत आणि विवेकवादी आहेत. विविध टीव्ही चॅनलच्या माध्यमातून विविध विषयावर चर्चेसाठीचा त्यांचा सातत्याने सहभाग असतो.
संपूर्ण महाराष्ट्रभर व देशभर त्यांचे विविध विषयावर व्याख्याने सुरू असतात. ते सामाजिक, सांस्कृतिक, ऐतिहासिक व राजकीय विश्लेषक म्हणून सुपरीचित आहेत. राष्ट्रवादी काँग्रेस पक्षाच्या प्रवक्तेपदी नियुक्ती झाल्याबद्दल त्यांचे विविध स्तरातून अभिनंदन होत आहे.