अहमदनगर प्रेस क्लबची नवी कार्यकारिणी जाहीर

 अहमदनगर प्रेस क्लबची नवी कार्यकारिणी जाहीर  

। ‘लोकआवाज’चे विठ्ठल लांडगे अध्यक्ष

। ‘नगर स्वतंत्र’चे सुभाष मुदळ सरचिटणीस

 

। अहमदनगर । दि.20 फेब्रुवारी ।  अहमदनगर प्रेस क्लब अहमदनगर (नोंदणी क्र.एफ/2087/92) या नोंदणीकृत संस्थेची शिवजयंतीचा मुहूर्त साधून झालेल्या वार्षिक सर्वसाधारण सभेत नवीन कार्यकारिणीची एकमताने निवड करण्यात आली. संस्थेच्या अध्यक्षपदी ज्येष्ठ पत्रकार विठ्ठल लांडगे तर सचिवपदी सुभाष मुदळ यांच्यासह 13 जणांचा कार्यकारिणीत समावेश करण्यात आला आहे. अहमदनगर प्रेस क्लबचे संस्थापक उपाध्यक्ष सतीश डेरेकर यांच्या अध्यक्षतेखाली झालेल्या या सभेला व्यासपिठावर जिल्हा पत्रकार संघाचे अध्यक्ष सुभाषशेठ गुंदेचा, ज्येष्ठ पत्रकार दिलीप वाघमारे, ज्येष्ठ पत्रकार प्रकाश कुलकर्णी उपस्थित होते. दरम्यान, सभेला सुमारे 90 सभासद उपस्थित होते.

सुमारे 30 वर्षानंतर अहमदनगर प्रेस क्लब अहमदनगर  (नोंदणी क्र. एफ/2087/92) या नोंदणीकृत संस्थेचे संस्थापक पदाधिकारी व सदस्य तसेच शहरातील विविध माध्यमांतील पत्रकार एकत्र आले. प्रेस क्लबची स्थापना झाली. तेव्हा नगरमध्ये मोजकीच वर्तमानपत्रे होती. अलीकडच्या काळात माध्यमांचा विस्तार झाला. त्यामुळे प्रेस क्लबमध्ये सर्व माध्यमांच्या प्रतिनिधींना स्थान मिळावे, हा विचार पुढे आला. त्यानुसार रविवारी (दि.19) झालेल्या सर्वसाधारण सभेत तरुण सदस्यांना स्थान देणारी नवी कार्यकारिणी एकमताने निवडण्यात आली. संस्थेच्या पुढील वाटचालीसाठी लवकरच धोरणात्मक बदल करण्यासाठी सभेत सहमती झाली. 

सभेत एकमताने निवडण्यात आलेली कार्यकारिणी पुढील प्रमाणे. अहमदनगर प्रेस क्लब  (नोंदणी क्र. एफ/2087/92)  अध्यक्ष - विठ्ठल लांडगे (दैनिक लोकआवाज), सरचिटणीस - सुभाष मुदळ (दैनिक नगर स्वतंत्र), उपाध्यक्ष - सुशील थोरात (साम टीव्ही), उपाध्यक्ष - विजय माने (दैनिक नवा मराठा), खजिनदार - प्रदीप पेंढारे (दैनिक अजिंक्य भारत), सहचिटणीस - लैलेश बारगजे (झी 24 तास), कार्यकारिणी सदस्य - लहू दळवी (वृत्तछायाचित्रकार), विजय सांगळे (दैनिक आकर्षण), अशोक परुडे (लेटसअप), जी. एन. शेख (दैनिक राष्ट्र सह्याद्री), शिल्पा रसाळ (महिला पत्रकार), मुरलीधर तांबडे (दैनिक प्रभात), आफताब शेख (महाराष्ट्र निरोप्या).

दरम्यान, सभेची सुरुवात करण्यापूर्वी दिवंगत पत्रकारांना श्रद्धांजली वाहण्यात आली. त्यानंतर शिवजयंतीनिमित्त छत्रपती शिवाजी महाराजांना अभिवादन करून सभेच्या कामकाजाला ज्येष्ठ पत्रकार सतीश डेरेकर यांच्या अध्यक्षतेखाली सुरुवात झाली. सर्वात प्रथम मागील वार्षिक सर्वसाधारण सभेचे इतिवृत्त मंजूर करण्यात आले. त्यानंतर सभेसमोर आलेले सर्वविषय एकमताने मंजूर करण्यात आले. ज्येष्ठ पत्रकार बाबा जाधव यांनी प्रास्ताविक केले.

यानंतर, ज्येष्ठ पत्रकार  सुभाष चिंधे, शिल्पा रसाळ, करण नवले, आदिनाथ शिंदे, अशोक परुडे, लैलेश बारगजे, बहिरनाथ वाकळे, अमोल भांबरकर, बाबा ढाकणे, सुर्यकांत नेटके आदींनी सभेमध्ये मत मांडले.  यावेळी सभेचे अध्यक्ष ज्येष्ठ पत्रकार सतीश डेरेकर यांनी सांगितले की, ‘येथून पुढे सर्वांनी पत्रकारांची एकजूट अशीच कायम ठेवावी. प्रत्येक लढ्यात आम्ही तुमच्या सोबत आहोत.’ तर, ज्येष्ठ पत्रकार सुभाष गुंदेचा यांनी यावेळी दरवर्षी अहमदनगर प्रेस क्लबतर्फे 21 हजार रुपयांचे पारितोषिक उत्कृष्ट पत्रकाराला देणार असल्याचे जाहीर केले. 

ज्येष्ठ पत्रकार दिलीप वाघमारे व प्रकाश कुलकर्णी यांनीही मार्गदर्शन केले. नवनिर्वाचित अध्यक्ष विठ्ठल लांडगे म्हणाले की, शहरातील सर्व पत्रकारांना सोबत घेऊन काम करणार आहे. येथून पुढे अहमदनगर प्रेस क्लबची पुढील वार्षिक सर्वसाधारण सभा ही छत्रपती शिवाजी महाराजांच्या जयंतीदिनी (दि. 19 फेब्रुवारी) रोजी होईल. त्याचदिवशी नवीन कार्यकारिणीकडे सूत्रे दिली जातील,’ अशी घोषणा केली. सभेचे इतिवृत्त वाचन व सूत्रसंचालन प्रदीप पेंढारे यांनी केले. आफताब शेख यांनी आभार मानले. 

ज्येष्ठ पत्रकार सुरेश वाडेकर, मन्सुर शेख, शिरीष कुलकर्णी, विजयसिंह होलम, अनिल शहा, श्रीकांत वंगारी, आप्पासाहेब शेळके, अन्सार सय्यद, सागर दुस्सल, मयुर मेहता, कुणाल जायकर, संदीप खोटे, प्रशांत पाटोळे, आदिनाथ शिंदे, अशोक तांबे, रविंद्र कदम, तुकाराम कामठे, भास्कर कोडम, संतोष आवारे, सुधीर पवार, राहुल शेळके, अमोल भिंगारदिवे, सागर गोरखे, प्रविण सुरवसे, कुलदीप कुलकर्णी, विक्रम बनकर, मुकुंद भट, यतीन कांबळे, सचिन कलमदाणे, 

सौरभ गायकवाड, प्रविण संकपाल, अन्वर इकबाल शेख, सागर म्हस्के, विक्रम लोखंडे, इकबाल शेख, सचिन शिंदे, स्नेहा जोशी, शाहरुख शेख, वैशाली टेमकर, कविता भारद्वाज, मनिष कांबळे, उमर सय्यद, विजय मते, शबीर सय्यद, दीपक रोकडे, अतुल लहारे, अमर सय्यद, गोरख शिंदे, प्रशांत शिंदे, कबिर बोबडे, श्रीकांत खांदवे, गीताराम शिंदे, स्वामिनी मुंगीकर, सय्यद शफी, खान आसिफ, वाजिद शेख, उदय जोशी, संदीप दिवटे यांच्यासह आदी पत्रकार उपस्थित होते.

नूतन कार्यकारिणी
अध्यक्ष - विठ्ठल लांडगे (दैनिक लोकआवाज), सरचिटणीस - सुभाष मुदळ (दैनिक नगर स्वतंत्र), उपाध्यक्ष - सुशील थोरात (साम टीव्ही), उपाध्यक्ष - विजय माने (दैनिक नवा मराठा), खजिनदार - प्रदीप पेंढारे (दैनिक अजिंक्य भारत), सहचिटणीस - लैलेश बारगजे (झी 24 तास), कार्यकारिणी सदस्य - लहू दळवी (वृत्तछायाचित्रकार), विजय सांगळे (दैनिक आकर्षण), अशोक परुडे (लेटसअप), जी. एन. शेख (दैनिक राष्ट्र सह्याद्री), शिल्पा रसाळ (महिला पत्रकार), मुरलीधर तांबडे (दैनिक प्रभात), आफताब शेख (महाराष्ट्र निरोप्या).

दै. नवा मराठा परिवारातर्फे आचार्र गुंदेचा स्मृती पुरस्कार
ज्येष्ठ पत्रकार सुभाष गुंदेचा यांनी पत्रकारांमधील मतभेदाचा इतर मंडळी फारदा घेतात. असे होऊ नये, यासाठी सर्वांनी एकजूटीने काम करावे, असे आवाहन केले. अहमदनगर प्रेस क्लबतर्फे दैनिक नवा मराठाचे दिवंगत संस्थापक संपादक आचार्य चंदनमलजी गुंदेचा यांच्या स्मृती पत्रकारिता क्षेत्रात काम करणार्‍या पत्रकाराचा सन्मान करण्यासाठी 21 हजारांचा पुरस्कार जाहीर केला व दरवर्षी हा पुरस्कार देण्यात यावा, अशी सूचनाही केली. या पुरस्काराची रक्कमही दैनिक नवामराठा परिवारातर्फे देण्यात येणार असल्याचे यांनी यावेळी स्पष्ट केले.