भांडणात मित्राला मदत करणार्‍याच्या खुनाचा प्रयत्न

भांडणात मित्राला मदत करणार्‍याच्या खुनाचा

प्रयत्न : दोघांविरुद्ध गुन्हा दाखल

। अहमदनगर । दि.11 जानेवारी 2023 । मित्राला मदत केल्याचा राग मनात धरून देवीदास दगडू फलके (रा. खारेकर्जुने, गोकुळवाडी) याला दोघांनी लाथाबुक्क्यांनी व काठीने बेदम मारहाण करून त्याच्या खुनाचा प्रयत्न केल्याची घटना नगर तालुक्यातील खारेकर्जुने शिवारातील गोकुळवाडी येथे घडली.

याबाबतची माहिती अशी की भागचंद भापकर व त्याचा भाऊ कुणाल भापकर यांच्यात मेंढ्या वाटपाच्या कारणावरून वाद झाले होते. या वादात कुणाल भापकर याला मित्र देवीदास फलके याने मदत केली असल्याचा राग मनात धरून भागचंद याने शंकरच्या मदतीने देवीदास फलके यांना खारेकर्जुने गावातील मराठी शाळेच्या पाठीमागे अडविले

 व जीवे ठार मारण्याच्या उद्देशाने लाथाबुक्क्यांनी व लाकडी काठीने डोक्यात तसेच तोंडावर हाता-पायावर व डोळ्यावर जबर मारहाण करून खुनाचा प्रयत्न केला. या प्रकरणी एमआयडीसी पोलिसांनी मारुती दगडू फलके (वय 62, रा. खारेकर्जुने, गोकुळवाडी) यांनी दिलेल्या फिर्यादीवरून भागचंद भानुदास भापकर व शंकर होनाजी निमसे (दोघे रा. खारेकर्जुने, गोकुळवाडी) यांच्याविरुद्ध गुन्ह्याची नोंद करण्यात आली आहे.