। अहमदनगर । दि.05 जानेवारी 2023 । अहमदनगर प्रेस क्लबने पत्रकारांसाठी जाहीर केलेल्या विविध पुरस्कारांचे वितरण शुक्रवारी होणार आहे. यासाठी हॉटेल राज पॅलेस येथे सकाळी साडेदहा वाजता कार्यक्रमाचे आयोजन करण्यात आल्याची माहिती अहमदनगर प्रेस क्लबचे अध्यक्ष शिवाजी शिर्के यांनी दिली.
‘दर्पण’कार आचार्य बाळशास्त्री जांभेकर यांच्या जयंतीनिमित्त दि. 6 जानेवारीला पत्रकार दिन साजरा केला जातो. पत्रकारांसाठी विविध उपक्रम करणार्‍या अहमदनगर प्रेस क्लब या दिवशी पत्रकारांना पुरस्कार देऊन गौरवित असते. यावर्षी त्यात आणखी पुरस्कारांची भर घालून हे पुरस्कार दोन दिवसांपूर्वी जाहीर केले. या पुरस्कारांचे वितरण शुक्रवारी (दि. 6 जानेवारी) पाहुण्याच्या उपस्थितीत होणार आहे.
या कार्यक्रमास आ. संग्राम जगताप, जिल्हाधिकारी राजेंद्र भोसले, पोलीस अधीक्षक राकेश ओला, महापौर रोहिणीताई शेंडगे, जिल्हा माहिती अधिकारी रविंद्र ठाकूर प्रमुख पाहुणे म्हणून उपस्थित राहणार आहेत. तसेच प्रसिद्ध व्याख्याते डॉ. संजय कळमकर प्रमुख वक्ते म्हणून उपस्थित राहणार आहेत. कार्यक्रमास उपस्थित राहण्याचे आवाहन अहमदनगर प्रेस क्लबचे अध्यक्ष शिवाजी शिर्के व प्रेस क्लबच्या कार्यकारिणीने केले आहे.
--------
राज्यात संपाचा मोठा झटका : ग्रामीण भागात शेतीची कामे खोळंबली