। अहमदनगर । । दि.04 जानेवारी 2023 । चारचाकीतून जाणार्‍या व्यापार्‍याला रस्त्यात गाठून चौघांनी लाकडी दांडक्याने मारहाण केली. संतोष राजेंद्र मेहेर (वय 26 रा. निंबळक ता. नगर) असे मारहाण झालेल्या व्यापार्‍याचे नाव आहे. त्यांच्यावर रूग्णालयात उपचार सुरू आहे.
सावेडी उपनगरातील तपोवन रोडवर भिस्तबाग महालाजवळ 31 डिसेंबर रोजी दुपारी ही घटना घडली. जखमी मेहेर यांनी 2 जानेवारी रोजी तोफखाना पोलिसांना दिलेल्या जबाबावरून अरूण घुगे व इतर अनोळखी तिघे (नाव, पत्ते माहिती नाही) यांच्या विरूध्द गुन्हा दाखल केला आहे.
संतोष मेहेर चारचाकी वाहनातून तपोवन रोडने घराकडे जात असताना भिस्तबाग महालाजवळ त्यांना दोन दुचाकीवरून आलेल्या चौघांनी अडवले. ‘तु आमच्याबरोबर नेहमी भांडण का करतो’, असे म्हणून शिवीगाळ करत लाथाबुक्क्यांनी व लाकडी दांडक्याने मारहाण करून जखमी केले.
‘तु पुन्हा आमच्या नादी लागला तर तुला आणि तुझ्या कुटूंबाला तलवारीने कापून टाकीन’, अशी धमकी दिली असल्याचे फिर्यादीत म्हटले आहे. पोलीस अधिक तपास करीत आहेत.
-------
🍁 उद्योजक संजय चव्हाण यांना महाराष्ट्र उद्योगरत्न पुरस्कार प्रदान
🍁 चोर्‍या व घरफोड्यांचा गांभीर्याने तपास नाही : संभाजी ब्रिगेड
🍁 दारु पिऊन वाहन चालविणे भोवले; चौघांविरुद्ध पोलिसात गुन्हा दाखल