धनगर समाज सेवा संघाचा नगरला वधू-वर मेळावा

। अहमदनगर । दि.15 जानेवारी 2023 । धनगर समाज सेवा संघ अहमदनगरच्यावतीने 19 फेब्रुवारी 2023 रोजी गंगा लॉन्स, निर्मलनगर, अहमदनगर येथे राज्यस्तरीय वधू-वर मेळाव्याचे आयोजन करण्यात आले आहे. जिल्ह्याबरोबरच इतर जिल्ह्यातही यासाठी संपर्क दौरा केले जात असून, सर्वत्र चांगला प्रतिसाद मिळत आहे. वधू-वर नोंदणी पुस्तिकेचे काम अंतिम टप्प्यात आले असून इच्छूकांनी 21 जानेवारी 2023 पर्यंत नावनोंदणी करावी.

वधू-वर मेळाव्याचे हे 7 वे वर्ष असून, धनगर समाजातील सर्व पोटशाखा या मेळाव्यात सहभागी होत असतात. राज्य पातळीवर घेण्यात येणार्‍या मेळाव्यांपैकी पुण्यश्लोक अहिल्याबाई होळकर यांचे जन्मगाव नगर जिल्ह्यातील चौंडी या गावी असल्याने नगरला होणार्‍या मेळाव्याला राज्य पातळीवर विशेष महत्व असते. सध्याच्या नामांतराच्या पार्श्वभूमीवर राज्यातील अनेक संघटना या मेळाव्यात सहभागी होणार आहेत.

 मेळाव्यात उच्च पदस्थ मान्यवर प्रबोधन करणार आहेत. मेळावा यशस्वीतेसाठी ज्येष्ठ मार्गदर्शक पी.आर.शिंदे, अध्यक्ष राजेंद्र तागड, वसंतराव दातीर, दशरथ लांडगे, राजेंद्र पाचे, सूर्यकांत तागड, ज्ञानेश्वर घोडके, ज्ञानेश्वर भिसे, विजय शिपणकर, डॉ. नामदेव पंडित, शरद धलपे, निशांत दातीर, प्रा सोपान राहींज परिश्रम घेत आहेत. अधिक माहितीसाठी - राजेंद्र तागड (मो.9890100173).

--------

💥 कुस्ती स्पर्धेत शिवराज राक्षे महाराष्ट्र केसरी 

💥  सीटी बसच्या धडकेत तरुणीचा मृत्यू

💥  पुणे शहराचे नामकरण जिजाऊ नगर व्हावे : आ.अमोल मिटकरी