। अहमदनगर । दि.11 जानेवारी 2023 । दारू पाजण्यास नकार दिल्याने चौघांनी तरूणावर हल्ला केला. कायनेटिक चौक परिसरात ही घटना घडली. महेश गोरख आठवले (वय 38, रा. रेल्वे कॉलनी, नगर) असे जखमी तरूणाचे नाव आहे. त्यांनी कोतवाली पोलिसांना दिलेल्या जबाबावरून चौघांविरूध्द गुन्हा दाखल करण्यात आला आहे.
महेश आठवले हे कायनेटिक चौक परिसरातील एका हॉटेलमध्ये जेवणासाठी गेले होते. त्यावेळेस त्यांच्या ओळखीचे चौघे त्या ठिकाणी आले. या चौघांनी दारू पाजण्याचा आग्रह धरला. आपल्याकडे पैसे नसल्याने दारू पाजू शकत नाही, असे महेश यांनी त्यांना सांगितले.
त्यावर चौघे निघून गेले. महेश हे जेवण करून रात्री 11 वाजता बाहेर येताच चौघांनी मारहाण करण्यास सुरूवात केली. एकाने चाकूने गळ्यावर वार केले. दुसर्‍याने चॉपरने डोक्यावर वार केले. दोघांनी लाथाबुक्क्यांनी मारहाण केली. पोलीस उपनिरीक्षक मनोज कचरे पुढील तपास करीत आहेत.
-------
💥 पोलिस भरती : तिसर्‍या दिवशी 675 उमेदवारांची मैदानी चाचणीला हजेरी
Tags:
Breaking