। अहमदनगर । दि.30 जानेवारी 2023 । अहमदनगर शहर सहकारी बँकेच्या संचालक मंडळासाठी, रविवारी अत्यंत निरुत्साही वातावरणात मतदान झाले. अवघे २४.७५ टक्के मतदान झाले. एकूण १२ हजार ११० मतदारांपैकी अवघ्या २९९७ मतदारांनी मतदानाचा हक्क बजावला.
जिल्हा उपनिबंधक गणेश पुरी यांच्या नेतृत्वाखाली मतदान प्रक्रिया शांततेत पार पडली असून, आज सोमवारी (30 जानेवारी) सक्कर चौकातील ओम गार्डनमध्ये मतमोजणी होणार आहे. दुपारी बारा वाजेपर्यंत निवडणुकीचा निकाल अपेक्षित आहे.
शहर सहकारी बँकेची मागील निवडणूक 2015 मध्ये झाली होती. त्यानंतर तब्बल 7-8 वर्षांनी यंदा निवडणूक झाली. संचालक मंडळाच्या 15 जागांपैकी इतर मागास प्रवर्गमतदार संघातून संजय घुले ही एक जागा बिनविरोध झाली आहे व राहिलेल्या 14 जागांसाठी निवडणूक रिंगणात सत्ताधारी गुंदेचा-घैसास पॅनेलचे 14 व अन्य अपक्ष 6 उमेदवार आहेत.
-------
संत तुकाराम महाराजांविषयी आक्षेपार्ह विधान...