। अहमदनगर । दि.21 डिसेंबर । सावेडी उपनगरातील कुष्ठधाम रोडवरील रमेश फोटो स्टुडीओ चोरट्यांनी फोडून रोख रक्कम, कॉम्प्युटर, प्रिंटर असा 36 हजार 500 रूपयांचा ऐवज लंपास केला आहे. 17 ते 19 डिसेंबर, 2022 दरम्यान ही घटना घडली आहे. यासंदर्भात माधुरी सागर रोल्ला (वय 30 रा. शिमला कॉलनी, भिस्तबाग चौक, सावेडी) यांनी सोमवारी दुपारी तोफखाना पोलीस ठाण्यात फिर्याद दिली आहे.
दिलेल्या फिर्यादीवरून अज्ञात चोरट्यांविरूध्द गुन्हा दाखल करण्यात आला आहे. माधुरी रोल्ला यांचे दीर रमेश रोल्ला यांचे कुष्ठधाम रोडवर रमेश फोटो स्टुडीओ आहे. त्यांनी 17 डिसेंबर रोजी फोटो स्टुडीओ बंद करून ते मुंबई येथे गेले होते. त्यांना 19 डिसेंबर रोजी सकाळी स्टुडीओमध्ये चोरी झाल्याची माहिती समजली.
त्यांनी माधुरी रोल्ला व त्यांचे पती सागर रोल्ला यांना याबाबत माहिती दिली. त्यांनी स्टुडीओमध्ये जाऊन पाहणी केली असता स्टुडीओच्या पाठीमागील बाजूने पत्रा कापलेला व उचकटलेला दिसला. त्यांनी आत जाऊन पाहणी केली असता एक हजार 500 रूपयांची रोख रक्कम, कॉम्प्युटर, प्रिंटर असा 36 हजार 500 रूपयांचा ऐवज चोरीला गेल्याचे त्यांच्या लक्ष्यात आले. याबाबत तोफखाना पोलीस ठाण्यात गुन्ह्याची नोंद करण्यात आली असून अधिक तपास पोलीस करीत आहेत.
-------
गुटखा प्रकरणाचा तपास स्थानिक गुन्हे शाखेकडून सुरू
महिलेच्या पायाजवळ ठेवलेली पर्स सव्वा लाखाच्या दागिन्यासह लंपास
पाठीमागे नावे ठेवतो म्हणत दोघांना मारहाण, चौघांवर गुन्हा दाखल