। अहमदनगर । दि.09 डिसेंबर । हात उसणे पैसे न दिल्याने मित्राला टोकदार वस्तूने मारहाण केल्याची घटना 3 डिसेंबर रोजी दुपारी कायनेटीक चौकात घडली. संदीप बबन सावंत (वय 34 रा. एकनाथनगर, केडगाव) असे जखमीचे नाव आहे.
त्यांनी 7 डिसेंबर रोजी कोतवाली पोलीस ठाण्यात दिलेल्या फिर्यादीवरून त्यांचा मित्र शंकर क्षीरसागर (रा. भूषणनगर, केडगाव) याच्याविरूध्द गुन्हा दाखल केला आहे.
संदीप हे शेती व जागा खरेदी-विक्री एजंटचे काम करतात. शंकर हा त्यांचा मित्र असून ते दोघे नेहमी कायनेटीक चौकातील यश ग्रँड हॉटेलजवळ भेटत असतात. 3 डिसेंबर रोजी नेहमीप्रमाणे शंकर याने संदीप यांना भेटण्यासाठी बोलविल्याने ते गेले.
शंकरने संदीप यांच्याकडे हात उसणे पैशाची मागणी केली. संदीप यांनी पैसे देण्यास नकार दिल्याने शंकरने त्यांना टोकदार वस्तूने मारहाण केली. जखमी संदीप यांनी उपचारानंतर कोतवाली पोलीस ठाण्यात गुन्हा दाखल केला आहे. अधिक तपास पोलीस करीत आहेत.
---------
💮मटका-जुगार चालवणार्‍या तिघांना पोलिसांनी पकडले