पाठीमागे नावे ठेवतो म्हणत दोघांना मारहाण, चौघांवर गुन्हा दाखल

पाठीमागे नावे ठेवतो म्हणत दोघांना मारहाण, चौघांवर गुन्हा दाखल

। अहमदनगर । दि.17 डिसेंबर ।आमच्या पाठीमागे आम्हाला नावे का ठेवतो असे म्हणत चौघांनी दोघांना शिवीगाळ व दमदाटी करीत मारहाण केली. ही घटना सावेडी परिसरात घडली. गुन्हा दाखल झालेल्यांमध्ये महापालिकेच्या महापौरांच्या पतीचा समावेश आहे.

याबाबतची माहिती अशी की  आकाश सुभाष गायकवाड (वय 43, राहणार बागरोजा हडको, अ.नगर) हा आम्हास पाठीमागे नावे ठेवतो या कारणावरुन महापौरांचे पती संजय शेंडगे यांच्यासह संदीप धस, अनिकेत शेंडगे, राम्या शेंडगे (सर्व रा. बागरोजा हडको, अ.नगर) यांनी आकाश गायकवाड यास तू आमच्या पाठीमागे आम्हाला नावे का ठेवतो म्हणून शिवीगाळ करीत मारहाण केली. 

यावेळी आकाशाचा भाऊ गिरीश गायकवाड हा मध्ये सोडवण्याकरता आला असता त्यालाही शिवीगाळ करून मारहाण केली. या प्रकरणी तोफखाना पोलिसांनी आकाश गायकवाड यांनी दिलेल्या फिर्यादीवरून चौघांविरुद्ध तोफखाना पोलिस ठाण्यात भारतीय दंड विधान कायदा कलम 323, 504, 506 अन्वये अदखलपात्र गुन्हा दाखल करण्यात आला आहे. पुढील कारवाई तोफखाना पोलिस करीत आहेत.

-------

आईस्क्रीम कंपनीला लागलेल्या आगीत 25 लाखांचे नुकसान 

दिल्लीगेट परिसरात लाखो रुपयांचा गुटखा जप्त 

महिलेच्या गळ्यातील एक तोळ्याचे गंठण धूम स्टाईलने चोरीला