। अहमदनगर । दि.01 डिसेंबर । वांबोरी घाटात डोंगरगण (ता. नगर) शिवारात दोन मित्रांना मारहाण करत तिघांनी लुटले. दोन तोळ्याची सोन्याची चेन, चांदीचे ब्रॅसलेट, तीन हजार रूपये रोख रक्कम, मोबाईल असा 76 हजार रूपयांचा ऐवज लंपास केला. मंगळवारी सायंकाळी ही घटना घडली.
या प्रकरणी एमआयडीसी पोलीस ठाण्यात तीन चोरट्यांविरूध्द जबरी चोरीचा गुन्हा दाखल करण्यात आला आहे. क्रिश नारायण वर्मा (वय 18 रा. पाईपलाइन रोड, सावेडी) यांनी फिर्याद दिली आहे. फिर्यादी क्रिश वर्मा व त्याचे मित्र गाडीवरून वांबोरी घाटातून जात असताना डोंगरगण शिवारात रस्त्यावर अचानक तिघे जण आले.
त्यांनी क्रिश व त्यांच्या मित्राला अडविले. मारहाण करीत सोन्या-चांदीचे दागिने, रोख रक्कम, मोबाईल काढून बळजबरीने काढून घेतला. क्रिश यांनी घटनेची माहिती एमआयडीसी पोलिसांना दिली असता पोलीस उपअधीक्षक (नगर ग्रामीण) अजित पाटील, सहाय्यक निरीक्षक निरीक्षक युवराज आठरे यांनी पथकासह घटनास्थळी भेट दिली. गुन्ह्याची नोंद केली असून अधिक तपास पोलीस उपनिरीक्षक चाहेर करीत आहेत.
--------
📌अहमदनगर प्रज्ञा शोध परीक्षेची नावनोंदणी सुरू
Tags:
Breaking