। अहमदनगर । दि.19 डिसेंबर । स्कॉर्पिओ गाडीतून आलेल्या मद्यधुंद अवस्थेतील चौघांनी पोलिस अधीक्षक चौकात एका चारचाकी वाहन चालकाला मारहाण करून चारचाकीची काच फोडल्याची घटना रात्री १२ वाजण्याच्या सुमारास घडली.
या प्रकरणी कार (एमएच २० बीवाय ७५३५) वरील चालक राहील अल्ताफ खान (रा. मुकुंदनगर) यांनी दिलेल्या फिर्यादीवरून स्कॉर्पिओ (एमएच १२ एनई ३२३३) मधील चार अनोळखी व्यक्तींविरुद्ध भिंगार कॅम्प पोलिस ठाण्यात गुन्हा दाखल करण्यात आला आहे.
फिर्यादी पोलिस अधीक्षक चौकातून तारकपूरच्या दिशेने जात असताना स्कॉर्पिओमधील चौघांनी खाली उतरून, आम्हाला गाडी आडवी का लावली, असे म्हणत मारहाण केली. तसेच गाडीची काच फोडून, बोनेटचे नुकसान केल्याचे फिर्यादीत म्हटले आहे. अधिक तपास पोलिस करत आहेत.
---------
👉 आईस्क्रीम कंपनीला लागलेल्या आगीत 25 लाखांचे नुकसान
Tags:
Crime