। अहमदनगर । दि.06 डिसेंबर । गोणीमध्ये भरून ठेवलेले 50 हजार रूपये किंमतीचे 14 गोणी सोयबीन अज्ञात चोरट्यांनी चोरून नेले आहे. नगर तालुक्यातील पिंपळगाव माळवी शिवारात रविवारी रात्री साडेबारा वाजता ही घटना घडली. या प्रकरणी रविवारी दुपारी एमआयडीसी पोलीस ठाण्यात चोरीचा गुन्हा दाखल करण्यात आला आहे.
तुकाराम जगन्नाथ झिने (वय 38 रा. पिंपळगाव माळवी) यांनी फिर्याद दिली आहे. फिर्यादी यांनी त्यांच्या शेतामधील सोयबीन 14 गोण्यांमध्ये भरून घरासमोरील पत्र्याच्या शेडमध्ये ठेवले होते. रविवारी रात्री साडेबारा वाजेच्या सुमारास अज्ञात चोरटे फिर्यादी यांच्या घरासमोर आले.
त्यांनी पत्र्याच्या शेडमध्ये ठेवलेले 14 गोणी सोयबीन एका टेम्पोमध्ये भरले व ते चोरून नेले. फिर्यादी यांना सोयबीन चोरीची माहिती मिळताच त्यांनी एमआयडीसी पोलीस ठाणे गाठून यासंदर्भात फिर्याद दाखल केली आहे. अधिक तपास पोलीस नाईक आर. के. शिंदे करीत आहेत.
-------
💥 राज्याच्या विकासासाठी समृद्धी महामार्ग ‘गेमचेंजर’ ठरेल : मुख्यमंत्री एकनाथ शिंदे
💥 विद्यार्थी काँग्रेसच्या नगर शहर जिल्हा वरिष्ठ उपाध्यक्षपदी किशोर कांबळेंची निवड