कृषी सेवा केंद्र फोडून चोरट्यांनी रोकड पळवली

। अहमदनगर । दि.10 एप्रिल । प्रतिनिधी ।  नगर-जामखेड रोडवर असलेल्या टाकळी काझी गावात कृषी सेवा केंद्र हे दुकान फोडून अज्ञात चोरट्यांनी दुकानात ठेवलेली रोख रक्कम चोरुन नेल्याची घटना गुरुवारी (दि.7) पहाटे घडली.

याबाबत भरत ज्ञानदेव शेडाळे (रा.मदडगाव, ता.नगर) यांनी नगर तालुका पोलिस ठाण्यात फिर्याद दिली आहे. शेडाळे यांचे टाकळीकाझी गावात त्रिमूर्ती कृषी सेवा केंद्र नावाचे खते, बी-बियाणांचे दुकान आहे. ते बुधवारी (दि.6) दुपारी 3.30 वाजता दुकान बंद करुन घरी गेले असता

त्यानंतरच्या कालावधीत गुरुवारी (दि.7) पहाटे अज्ञात चोरट्यांनी दुकानाचे शटर उचकटून आत प्रवेश करत दुकानात ठेवलेली 7 हजार रुपयांची रोकड चोरुन नेली. या फिर्यादीवरुन पोलिसांनी अज्ञात चोरट्यांविरुद्ध भा.दं.वि.क. 454, 457, 380 प्रमाणे गुन्हा दाखल केला आहे.