स्कॉर्पिओ दुचाकी अपघातात एक ठार; एक जखमी

। अहमदनगर । दि.26 मार्च । नेवासा तालुक्यातील भेंडा येथे नेवासा- शेवगाव मार्गावरील ज्ञानेश्वर सहकारी साखर कारखान्याच्या पेट्रोल पंपासमोर स्कार्पिओ गाडी व दुचाकीची समोरासमोर धडक झाली.

या अपघातात दुचाकीवरील एक जण जागीच ठार झाला तर दुसरा गंभीर जखमी झाला. हा अपघात शुक्रवारी (दि.25) दुपारी चार वाजता घडला.

करण जयसिंग सुपेकर (वय 20 ) व अर्जुन नवनाथ सुपेकर ( वय 19) असे दोघे जण भेंडा येथून दुचाकीवरून (क्र.एमएच 17 एएम 901) चालले होते.

सौंदाळ्याकडुन येणार्‍या स्कार्पिओ (एम.एच.17 ए.जे.3031 ) गाडीला हे दोघे जोरात धडकले. ही धडक इतकी जोरात होती, की या अपघातात करण सुपेकर हा जागीच ठार झाला.

तर अर्जुन सुपेकर हा गंभीर जखमी झाला. त्यास नेवासा फाटा येथील रूग्णालयात उपचारासाठी दाखल करण्यात आले.