। अहमदनगर । दि.30 मार्च । पारनेर तालुक्यातील हंगा शहाजापुर रोडच्या जंगलात एका 20 वर्षीय तरुणाने फाशी घेऊन आत्महत्या केली. संजय सुखदेव पवार (रा. रायतळे ता. पारनेर) असं या तरुणाचं नाव आहे. संजयने आत्महत्या करण्याआधी सोशल मीडियावर व्हिडीओ पोस्ट केला.
सदरचा व्हिडीओ रामदास नामदेव साळुंके (रा.रायतळे ता.पारनेर) याने पाहिल्यानंतर तातडीने सुपा पोलिसांशी संपर्क केला आणि संजय पवार याने इन्स्टाग्रांम अकाउंटवर मी फाशी घेणार आहे असा व्हिडीओ टाकला असल्याची माहिती सुपा पोलिसांना दिली.
सुपा पोलिस स्टेशनचे पोलिस निरिक्षक नितीनकुमार गोकावे यांनी परिस्थितीचे गांभीर्य ओळखुन तात्काळ कारवाई केली. पोहेकॉं ओहळ यांनी तक्रार नोंदवून शोध घेतला असता हंगा शहाजापुर रोडवरील जंगलात संजय पवार याने फाशी घेतल्याचे निदर्शनास आले.
पोलिसांनी पंचनामा करून मृतदेह शवविच्छेदनासाठी पारनेर ग्रामीण रुग्णालयात पाठवला. या युवकाने नैराश्यातुन आत्महत्या केली असावी असा अंदाज असून पुढील तपास सुपा पोलिस करत आहे.
---------
खालील बातम्या देखील वाचा...
गावातील शाळा सक्षमीकरणासाठी प्रयत्न करावे : मुख्य कार्यकारी अधिकारी संभाजी लांगोरे
महावितरण कार्यालयाच्या प्रवेशद्वारास चपलांचा हार...
महिलांचे गळ्यातील सोन्याचे दागिने ओरबडून पोबारा करणारे मुद्देमालासह जेरबंद