। अहमदनगर । दि.30 मार्च । प्रभाग क्रं 4 मधील पाणीपुरवठा गुलमोहर रोड परिसरातील एकता कॉलनी, कविजंगनगर, सावली सोसायटी, नवलेनगर, जयश्री कॉलनी व फकिरवाडा परिसरातील गौरवनगर भागात मागच्या दोन महिन्यापासून पाणी पुरवठा विस्कळीत झाला आहे.
त्यामुळे नागरिकांना पाणीटंचाईला सामोरे जावे लागत आहे. मागील अनेक दिवसापासून पाणी पुरवठा अनियमित व कमी दाबाने होत आहे. अनेक वेळा नागरिक व मी स्वतः पाणीपुरवठा विभागातील कर्मचारी व अधिकारी यांच्या निदर्शनास सदर समस्या आणली आहे.
मात्र अजूनपर्यंत पाणी पुरवठा सुरळीत झाला नाही नागरिकांना पिण्याच्या पाण्यासाठी टँकर व बोरवेलवर अवलंबून राहावे लागत आहे. सदर परिसरातील पाणी पुरवठा एक आठवड्यात सुरळीत नाही झाला तर परिसरातील नागरिकांसह आयुक्त कार्यालयात आंदोलन करण्यात येईल, असा इशारा नगरसेविका ज्योतीताई गाडे यांनी दिला.
-------------
खालील बातम्या देखील वाचा...