तपासात कोळपेवाडी येथील एका संशयितास कोकमठाण येथून त्याच्या साथीदारास ताब्यात घेतल्यानंतर मोटारसायकल चोरीची टोळीच असल्याचे निष्पन्न झाले. आणखी दोघांची नांवे निश्चित झाली आहेत. या तिघांना पोलिसांनी अटक केली. त्यांच्याकडून तीन मोटर सायकली जप्त केल्या .
कोपरगाव शहर ठाण्याचे पोलिस नाईक ए. एम. दारकुंडे, कॉन्स्टेबल जी. एस. मैड, कॉन्स्टेबल बी. बी. धोंगडे हे पेट्रोलिंग करत असताना तीन चारी कोकमठाण परिसरात किरण बेंडकुळे (25 रा.माहेश्वरीनगर कोळपेवाडी) हा संशयास्पदरित्या फिरतांना आढळला.
त्याला पोलिसी खाक्या दाखवताच त्याने मोटार सायकल (एमएच 17 सीजी 2622) ही सोनार वस्ती धारणगावरोड कोपरगाव येथून चोरल्याचे सांगितले. त्याच्याकडे अधिक तपास करता त्यास गणेश पवार (23), रोहित बाबासाहेब मोकळ (20, दोघे रा. कोळगांव माळ ता.सिन्नर)
यांनी जनार्दन स्वामी हॉस्पीटल कोकमठाण येथून 29 मे रोजी तर पढेगाव रोड संवत्सर शिवार येथून 1 मार्च रोजी एमएच 17 एआर 990 व व एमएच 17 ए डब्ल्यू 4997 क्रमांकाच्या मोटार सायकली चोरल्याचे आढळले.