भूषणनगर येथील घरफोडीत सोन्याचे दागिने लांबवले

। अहमदनगर । दि.02 जुलै । बंद घराच्या मुख्य दरवाजाचे कुलूप तोडून अज्ञात चोरांनी आत प्रवेश केला व घरातील एक लाख चार हजार पाचशे रुपये किमतीचे सोन्याचे दागिने चोरून नेले. ही घटना केडगाव येथील भूषणनगर उपनगरात घडली.

याबाबतची अधिक माहिती अशी की, स्नेहल भंडारी (वय 34, राहणार भूषणनगर, केडगाव) या त्यांच्या आईकडे गेलेल्या असताना कुणीतरी अज्ञात चोराने त्यांच्या घराच्या दरवाज्याचे सेफ्टी लॉक व मुख्य दरवाजाचे कुलूप तोडून आत प्रवेश केला व घरातील सामानाची उचकापाचक केली

तसेच बेडरूममधील दोन गोदरेज कपाटाचे कुलूप तोडून आतील सोन्याची चेन, कानातील दागिने असे सुमारे एक लाख चार हजार पाचशे रुपये किमतीचे सोन्याचे दागिने चोरून नेले. याप्रकरणी कोतवाली पोलिसांनी स्नेहल भंडारी यांच्या फिर्यादीवरून घरफोडीच्या गुन्ह्याची नोंद केली असून अधिक तपास पोलिस हवालदार गाजरे करीत आहे.