शिक्षा समूह व हिंद सेवा मंडळाचा अनोखा उपक्रम
या उपक्रमासाठी शांतीकुमार फिरोदिया मेमोरियल फाउंडेशनचे नरेंद्र फिरोदिया, हिंद सेवा मंडळाचे अध्यक्ष प्रा शिरीष मोडक, कार्याध्यक्ष अजित बोरा, मानद सचिव संजय जोशी, सीताराम सारडा विद्यालयाचे चेअरमन प्रा मकरंद खेर यांचे मोलाचे सहकार्य मिळाले.
या उपक्रमाचे उद्घाटन ५ सप्टेंबर रोजी मा. जयंतची उमराणीकर (संरक्षण व रणनीती तज्ज्ञ, भारत सरकार) यांचे शुभहस्ते ऑनलाइन करण्यात आले. उपक्रमाचा प्रारंभ हा १४ सप्टेंबर २०२० पासून रेडिओ व नगर केबल वर करण्यात येत आहे. रेडिओ नगर ९०.४ एफ. एम. वर इ. ३ री व ४ थी साठी सोमवार ते शुक्रवार दुपारी १२ ते २ या वेळेत व रविवारी सकाळी ८ ते १० या वेळेत तसेच इ. ५ वी ते ८ वी साठी दररोज दुपारी २ ते ३ या वेळेत प्रसारण करण्यात येणार आहे.
तर नगर केबल नेटवर्क याद्वारे इ. ५ वी ते ८ वीसाठी दररोज सकाळी १० ते १२ व दुपारी ४ ते ६ या वेळेत प्रक्षेपण करण्यात येणार आहे. (रेडिओ व केबल नेटवर्क प्रसारणाचे वेळापत्रक सोबत जोडले आहे) अशी माहिती शिक्षा समूहाचे अहमदनगर जिल्हा प्रमुख सुनिल रामदासी यांनी दिली.
या उपक्रमात हिंद सेवा मंडळ, प्रगत विद्यालय, देवेंद्रनाथ विद्यालय, वसुंधरा कृषी व ग्रामीण विकास संस्था, ओम शिवकृपा प्रसारक मंडळ, आनंद विद्यालय तसेच शिक्षा समूहामध्ये कार्यरत असणाऱ्या अहमदनगर जिल्ह्यातील ३८ शिक्षण संस्थांमधील शिक्षक बंधू भगिनींचे अनमोल लाभले आहे.