नगर, (दि.29 ऑगस्ट) : मिडसांगवी (ता.पाथर्डी) येथील रस्त्याच्या कडेला उभा केलेल्या मालट्रकमधून मोबाईल, रोख रक्कम, सोन्याचा ओम असा 29 हजाराचा मुद्देमाल चोरणार्या सराईत चार आरोपींना स्थानिक गुन्हे शाखच्या पथकाने जेरबंद केले.
आरोपींमध्ये अमोल नारायण होडगर (वय 21, रा. पिंपरी अवघड, ता. राहुरी), पांडुरंग भास्कर मासाळकर (वय 25, रा. कवडगाव, ता. गेवराई), अजित सुभाष सूळ (वय 20, रा. मिडसांगवी, ता. पाथर्डी), दीपक मधूकर तळेकर (वय 25, रा. मांदळमोही, ता. गेवराई) यांचा समावेश आहे.
पोलिसांनी त्यांच्याकडून मुद्देमाल तसेच गुन्ह्यात वापरलेली मोटारसायकल हस्तगत केली आहे. स्थानिक गुन्हे शाखेचे पोलिस निरीक्षक दिलीप पवार यांच्या मार्गदर्शनाखाली पोहेकॉ मनोज गोसावी, पोना संदिप पवार, राम माळी, भागीनाथ पंचमूख, रविकिरण सोनटक्के, दीपक शिंदे, विनोद मासाळकर आदींच्या पथकाने ही कारवाई केली.
आरोपी होडगर याच्याविरूध्द राहुरी, सोनई, एमआयडीसी पोलिस ठाण्यात गुन्हे दाखल आहेत.